Католиците денеска, според грегоријанскиот календар ја слават Голема Богородица. Утрово во црквата на Бит Пазар света мисла служел жупникот Дон Давор Топиќ. Во чест на Света Богородица и вечерва била служена миса.
Празникот на Света Богородица се слави како ден кога Света Богородица оживеала по нејзината смрт, а телото нејзино станало духовно како Исусовото тело по воскреснувањето и со душата и телото заминала на небото, т.е. во рајот, каде примила награда поради тоа што на земјата додека живеела нејзината душа била чиста бидејќи не направила ниту еден грев.
Според црквеното учење, кога света Богородица на небото ќе го моли Господ за нас, тој никогаш не ја одбива нејзината молитва. Затоа верниците се молат пред нејзините кипови и икони.
