Верници на Бугарската православна црква утре во 9 часот наутро ќе излезат на протест пред зградата на Бугарската Патријаршија, каде бугарските владици утре еден час подоцна, ќе ја почнат седницата на Синодот на БПЦ.
Протестот е најавен како поддршка на канонскиот поредок на БПЦ и со една цел, барање санкции за контроверзниот Архимандрит, Дионисиј, кој веќе извесно време предизвикува поделби во централниот храм, Александар Невски во Софија.
Денеска во архивата на Синодот на БПЦ била предадена и иницијатива со која се бара санкционирање на Архимандритот Дионисиј.
