На празникот на светите апостоли Петар и Павле – Петровден, во храмот „Свети Петар и Павле“ во скопската населба Ѓорче Петров беше отслужена света архиерејска литургија на која сослужуваа тројца архиереи на Македонската православна црква – Охридска архиепископија.
Со богослужбата чиноначалствуваше Архиепископот охридски и македонски г.г. Стефан, а сослужуваа митрополитот Тетовско-гостиварски Јосиф и митрополитот Австралиско-новозеландски Никола.
На литургијата присуствуваше голем број верници, кои молитвено го одбележаа празникот посветен на светите првоврховни апостоли Петар и Павле.
За време на богослужбата, верниот народ се причести со Светите Христови Тајни.
Петровден е еден од поголемите празници во православниот календар, посветен на светите апостоли Петар и Павле, кои се сметаат за едни од најзначајните проповедници на христијанството и столбови на Црквата.
