Почетна Вести Христијанство Шефот на руската црква во Софија инкогнито во посета на МПЦ-ОА – Зошто?
Шефот на руската црква во Софија инкогнито во посета на МПЦ-ОА – Зошто?

Шефот на руската црква во Софија инкогнито во посета на МПЦ-ОА – Зошто?

2.70K
0

Шефот на руското црковно подворје од Софија, Архимандритот Васијан Змеев, вчера ненајавено бил во Македонија на средба во Архиепископијата во Скопје, дознава Религија.мк.

Заедно со него во придружба бил и дипломат од руската амбасада во Скопје.

Информациите на Религија.мк, велат дека Васијан бил на средба со Архиепископот г.г. Стефан и со уште еден владика од Синодот на МПЦ-ОА. Кои биле теми на разговор нема детали. Иако вообичаено Подворјето на Руската црква информираше за досегашните посети во Македонија, досега вест за оваа информација не сподели.

Васијан во посета на Македонија беше на почетокот од месец мај, служеше литургија во Соборниот Храм во Скопје, но суштинската причина за посетата беше молебенот за руските војници што го служеше во манастирот Св. Пантелејмон во Нерези, за што самиот извести.

Неофицијално, неговите посети во Македонија изминатава година се чести, и многу повеќе од што јавноста е запознаена. Во тој контекст, црковни извори велат дека е чудно што вчерашната негова инкогнито посета и средба со Архиепископот доаѓа само два дена откако г.г. Стефан испрати писмо за именденот на Вселенскиот Патријарх Вартоломеј, во кое посочува дека МПЦ-ОА трпеливо го очекува Томосот за автокефалност од Вселенската Патријаршија.

Истите извори велат дека МПЦ-ОА, особено Архиепископот г.г  Стефан, кој во оваа една година се уште успева да води мудра дипломатска политика и со Москва и со Фанар, водејќи се по канонските правила, во моментов се наоѓа под сериозен притисок од Руската црква да се откаже од барањето Томос за вистинска автокефалност.

Истите извори велат дека и оваа посета на Васијан Змеев е во таа насока.

НАПИШИ КОМЕНТАР

Your email address will not be published. Required fields are marked *