Влaдимир Легојда, претседател на Синодалниот оддел за односи со општеството и медиумите при Руска православна црква, во интервју за ТАСС говорел за медиската состојба на Црквата, за предизвиците со активностите на свештениците на социјалните мрежи и за динамиката на комуникацијата со општеството.
Легојда нагласи дека иако Црквата бележи позитивни поместувања во сферата на верата и перцепцијата, дека постои чувство во кругот на тие што веруваат дека „сите долго време веруваме“ – што според него е илузија. Тој истакнал дека многу поважен предизвик е разбирањето на оние луѓе кои и натаму не се поврзани со црковниот живот.
Во однос на медиумските контексти, Легојда зборувал и за проповеди кои поттикнуваат бурни реакции, кога се вадат одредени делови од контекст, и предупредил дека свештениците мора да бидат свесни дека нивниот говор може да предизвика ширење на омраза и на навистини без проверка на фактите.
Во однос на вклученоста на Црквата во политиката, тој потсети дека Црквата не учествува во изборни активности, но не е исклучена од политичкото општество – „не се занимаваме со политичка дејност, туку со општествена“, рекол тој.
Легојда истакнал и дека дигиталната и медиската активност на свештениците расте, посебно на платформи како Телеграм, каде што некои архиереи веќе формираат свои канали, но додаде дека Црквата не се стреми кон „медиумска гласност“, туку кон умереност, одговорност и зрелост во јавното комуницирање. Целта не е сензационализам или популарност, туку смирен, корисен и духовно здрав дијалог со општеството.
