Архиепископот Цетински и Митрополит Црногорско-приморски г. Јоаникије служеше Света архијерејска литургија во Црквата „Свети апостоли Петар и Павле“ во Рисан. По завршувањето на истата, митрополитот Јоаникије служеше помен за жртвите од НАТО агресијата врз Сојузна Република Југославија во 1999 година.=
Во обраќањето по поменот, митрополитот потсети на страдањата од бомбардирањето, како и на настаните од 2004 година на Косово и Метохија, кога, како што рече, имало човечки жртви, палења и прогон на српското население.„Се сеќаваме на таа ужасна неправда, насилство и агресија врз нашата татковина, која го наруши светскиот поредок, бидејќи одлуката за бомбардирање беше донесена без Советот за безбедност и без почитување на меѓународното право“, истакна митрополитот.
Тој додаде дека светот и денес се соочува со бројни кризи и конфликти, повикувајќи на молитва за мир. Во говорот беа спомнати и жртвите во Црна Гора, меѓу кои и загинатите на мостот во Мурино.
Митрополитот Јоаникије нагласи дека жртвите и хероите не смеат да бидат заборавени, оценувајќи дека тогашното единство на народот претставува значаен темел за иднината. „Наше е да ги паметиме невините жртви и јунаците, како и вредностите што тие ги сведочат – љубовта кон Бога, верата, народот и татковината“, рече тој, посакувајќи им на верниците мир, здравје и благослов во пресрет на претстојните празници.
