Патријархот Московски Кирил упати порака до Антиохискиот патријарх Јован X, во која изрази сочувство и поддршка по нападот врз православни христијани во сирискиот град Калбија.
Во пораката, патријархот Кирил го осуди насилството извршено од вооружени екстремисти, како и уништувањето и грабежите што се случиле за време на инцидентот. Тој ја поддржа и официјалната реакција на Антиохиската патријаршија, повикувајќи на темелна истрага и изведување на одговорните пред лицето на правдата.
‘Поглаварот на Руската православна црква нагласи дека се моли за Антиохиската црква и за нејзините верници, кои повторно се соочуваат со страдања, особено во пресрет на Страстната седмица.
Во својата порака, тој упати и молитви за мир и стабилност за сирискиот народ, изразувајќи надеж дека ќе се обезбеди безбедност за христијаните во земјата.
