Михаловско-кошичкиот архиепископ Георгиј, од Православната Црква на Чешките земји и Словачка бил на поклоничко патување во Охрид и имал средба со Дебарско-кичевскиот митрополит Георгиј.
Митрополитот Георгиј му подарил на Словачкиот архиепископ мошти од преподобната Спаса Вишенска и спомен-панагија. Архиепископот Георгиј му подарил на својот домаќин епитрахил со омофор и сребрена панагија со ликот на свети Георгиј Победоносец.
На Плаошник, во манастирот на св. Климент Охридски и св. Пантелејмон, владиката Георгиј се поклонил пред моштите на св. Климент. Поклониците го посетиле и манастирот на св. Наум. Во придружба на игуменот, архимандрит Нектариј, поклониците оддале почит на гробот на преподобниот Наум Охридски.
Владиката Георгиј отслужил и помен на гробот на блаженоупокоениот митрополит Дебарско-кичевски Тимотеј.
