Веднаш по пристигнувањето во Солун, Вселенскиот Вартоломеј без протоколарна најава и по сопствена желба, го посети стадионот на фудбалскиот клуб ПАОК, каде што положи седум бели рози во спомен на седумтемина млади навивачи кои трагично го загубија животот во сообраќајната несреќа во Романија.
Видливо потресен, Вселенскиот Патријарх изрази поддршка и солидарност од свое име и од името на Мајката Црква на Константинопол до семејствата на загинатите, како и до управата и навивачите на ПАОК.
Патријархот Вартоломеј претходно пристигна на аеродромот „Македонија“ во Солун, каде што беше пречекан од архиереи, претставници на државните и локалните власти, како и од безбедносните служби.
Седум навивачи на грчкиот фудбалски клуб ПАОК загинаа во Романија на пат кон францускиот град Лион, каде што требаше да присуствуваат на натпревар од Лига Европа.
Минибусот во кој се наоѓале десет лица, вклучувајќи го и возачот, патувал кон Франција преку територијата на Романија.
