Петмина митрополити на ГПЦ усвоија резолуција: Освојувачот на славната земја секогаш ќе биде прогонуван
Петмина митрополити на Грчката Православна Црква, кои се нарекуваат Митрополити на Западна Македонија усвоија резолуција која се однесува на прашањето за преговорите за името и во која бараат од грчките власти да не дозволат користење на терминот Македонија во името на како што ја нарекуваат „државата на нашиот мил и драг северен сосед“.
Резолуцијата насловена како „Македонија е една и тоа е Грција“ има седум точки и во речиси сите се негира идентитетот на Македонците и правото по кој било сонов да се поврзуваат со името Македонија.
– Името “Македонија” во овие критични моменти што минуваат низ нашата татковина треба да остане непогодно. Има толку многу други имиња кои нашите соседи можат да ги прифатат доколку сакаат да имаат добрососедство, пишува во првата точка од Резолуцијата.
Понатаму, овие грчки владици посочуваат дека ова не е само политичко прашање, туку дека е национално, а За национални прашања, политичката моќ не може и не треба да има идеолошки поглед и позиција што се разликува од волјата на народот.
– Името на соседната земја е исто така црковно прашање, бидејќи исто така го вклучува и името на расколничката црква на таа држава, пишува во една од точките на резолуцијата.
Владиците на ГПЦ потсетуваат дека зад ова стојат и Бугарските претензии од времето на Егзархијата, а тоа го поткрепуваат и со неодамнешниот договор меѓу МПЦ и БПЦ да се покрене прашањето за признавањето на автокефалноста на МПЦ.
– Географската положба на Скопје всушност припаѓа на поширокиот регион на Македонија. Но, тоа не значи дека жителите на македонскиот регион се потомци на античките Македонци. Главната реакција на Грците лежи во тврдењата на Скопјаните, да бидат претставени како потомци, подигајќи ги дури и прашањата на иредентистичката политика за Антички Македонци” во Грција! Само Грците можат да бидат потомци на Македонците, бидејќи античките Македонци беа Грци. Историските докази за грчката припадност на античките Македонци се бројни, неоспорни и добро познати особено во академскиот и научниот свет, пишува во резолуцијата.
– Ако во овој момент Црквата е замолчена, тогаш камењата и Сведоците и хероите кои го наводнуваат ова место ќе зборуваат. Историјата на Македонија е напишана со крв на грчки херои и затоа припаѓа исклучиво на нивните грчки потомци. Освојувачот и доселеник на славната земја не само што не може да ја освои историјата на оваа земја, туку напротив, секогаш ќе биде прогонуван од неа. Македонија е една и тоа е ГРЦИЈА!, стои во резолуцијата на митрополитите на ГПЦ.
