И премиреот Заев му пиша на Вартоломеј – време е за признавање на автокефаноста

По Претседателот на државата, Стево Пендаровски, писмо до Вселенскиот Патријарх испрати и Премиерот Зоран Заев во кое се навраќа на средбата во Истанбул на која беше побарана негова асистенција и заложба Македонската православна црква – Охридска архиепископија, да биде признаена како автокефална црква и да биде примена во заедницата на помесните православни цркви.

-Го почитуваме сето она што е одредено од меѓународните договори и состојби. Но, бараме да бидеме слободни и црковно во рамките на границите на нашата земја и нашите архиереи да сослужуваат со архиереите од сите православни цркви во светот“, се вели во писмото на премиерот Заев до неговата светост, патријархот на Цариградската патријаршија Вартоломеј.

Во писмото се истакнува дека православниот народ во нашата земја заслужува црковна независност која ја сонува веќе цел еден век и дека очекува да ја види Македонската православна црква – Охридска архиепископија признаена како автокефална, со благословот и со писмена одлука од првиот меѓу Христовите архиереи на земјата, цариградскиот патријарх Вартоломеј.

Поврзани написи:

ОТЕЦ ГАВРИЛ: Можете да ме расчините, но љубовта никогаш нема да ми ја убиете Патријарх Неофит за Македонија: ќе го исполниме својот долг Грчки националисти осквернавија црква на МПЦ во Австралија Промовирани три тома од „Слова за словото“ на поглаварот на МПЦ-ОА г.г. Стефан