Дипломираниот богослов Кирил Фидански ја доби довербата на Македонската православна црква своето стекнато богословско образование на православниот богословски факултет во Скопје да им го пренесува на верниците. Од раката на Архиепископот г.г. Стефан денеска го доби ѓаконскиот чин.
Службата на Бога и верниците ја почнува од црквата „Свети Архангел Михаил“ во населба Автокоманда.
Таму денеска на 10 Април 2016 година, во четврта недела од Великиот пост, ден кого Црквата го посветила на светиот Јован Лествичник и воедно датум во кој се прославува поменот на преподобниот Петар Мегленски и на Иларион Исповедник, Архиепископот Охридски и Македонски г.г. Стефан служеше Василиева Литургија.
По литургијата десетици ученици од основните училишта во населба Автокоманда учествувале на свечена академија каде пееле молитвени песни и рецитирале молитви.
ГАЛЕРИЈА:
