Православната црква се наоѓа на првото место меѓу институциите во кои граѓаните на Романија имаат најголема доверба, покажуваат најновите резултати од барометарот на јавно мислење на Informat.ro и INSCOP Research.
Според истражувањето, 63,9 проценти од испитаниците изјавиле дека имаат „доста“ или „многу“ доверба во Црквата. Овој резултат претставува забележителен пораст во однос на јули минатата година, кога довербата изнесувала 57,7 проценти. Со тоа, Црквата ја презема водечката позиција, надминувајќи ја и Армијата, која традиционално ужива високо ниво на јавна поддршка.
Директорот на INSCOP Research, оценува дека ваквиот тренд ја одразува пошироката општествена потреба за стабилни институции кои се перципираат надвор од секојдневните политички конфликти. Според него, и Црквата и Армијата функционираат како симболични точки на континуитет и идентитет, особено во услови на изразена недоверба кон политичката класа.
Истражувањето е спроведено во периодот од 12 до 15 јануари 2026 година, со метод на телефонско анкетирање, на репрезентативен примерок од 1.100 полнолетни граѓани од неинституционализираното население на Романија. Маргината на грешка изнесува плус или минус три проценти, со ниво на доверба од 95 проценти.
Резултатите укажуваат на зајакнување на позитивната јавна перцепција за улогата на Црквата во романското општество и нејзиното место како една од клучните институции на доверба.
