Досегашниот ѓакон, дипломираниот теолог Ѓорѓе Лазов од Кавадарци е новиот свештеник на Повардарската епархија. Чинот на ракополагање го извршил Митрополитот Агатангел на денот кога Црквата го чествува споменот на светиот великомаченик Георгиј, во манастирот посветен на овој светител во Неготино.
Во своето слово, Митрополитот Агатангел најпрво им го претставил новиот свештеник на присутните верници, а потоа изрекол поука до новиот свештенослужител, ревносно и совесно да ја чува и проповеда Православната вера и верно да Му служи на Господ Исус Христос и на својот македонски род.
Митрополитот Повардарски г. Агатангел заедно со свештенослужители од велешкото и кавадаречкото намесништво на Повардарската епархија, отслужиле и света литургија.
ГАЛЕРИЈА: /Повардарска