Со голема лазарова поворка, составена од дечиња, кои пееја лазарови калаланди, денеска беше одбележана Лазарово сабота во Скопје, ден пред Цветници, последното Христово влегување во Ерусалим.
Поворката тргна од црквата Свети Димитрија и заврши пред храмот Свети Константин и Елена. Движејќи се преку Камениот мост и плоштадот Македонија, децата носеа врбови гранчиња и пееја лазарови каланди.
