Првото романско православно гробје во Англија ќе биде отворено во градот Лидс, откако локалните власти ја одобрија иницијативата на заедницата при храмот „Св. Макариј Велики“.
Идејата била покрената минатата година, кога до општинските власти било поднесено официјално барање во присуство на локални советници и пратеник од изборната единица. По административна постапка што вклучувала формална апликација, институционална кореспонденција и расправа во градското собрание, барањето било одобрено, соопшти Романската православна архиепископија на Велика Британија и Северна Ирска.
Гробиштата ќе бидат управувани од локалната администрација според правилата што важат за сите градски гробишта. Надоместоците за погребување ќе ги администрира исклучиво општината.
Погребните места нема да можат да се купуваат однапред, туку ќе се доделуваат само кога ќе се појави потреба. Секоја парцела ќе може да прими до четири члена од исто семејство и ќе биде доделувана за период од 50 години, со можност за продолжување.
Делот наменет за романската заедница опфаќа околу 200 гробни места и се наоѓа на лесно достапна локација во близина на парохискиот храм.
