Делегација од Богословскиот факултет „Патријарх Јустинијан“ од Букурешт во Романија, во средата, на 26 април 2017 година била во посета на Православниот богословски факултет „Свети Климент Охридски“ – Скопје.
Делегацијата од Романија ја предводел протојереј-ставрофор Стефан Букиу, декан на Богословскиот факултет, придружуван од протојереј-ставрофор Константин Преда – продекан, протојереј Никушор Белдиман – директор на оддел и проф. д-р Димитру Сорика, професор по сакрална уметност.
Гостите имале средба со деканот, професорите и студентите од Богословскиот факултет.
Делегацијата на Богословскиот факултет од Букурешт имала средба и со Ѓорге Иванов, Претседател на Република Македонија, а за време на својот престој во Македонија посетила и повеќе цркви и манастири на МПЦ-ОА.
