Почетна Анализа Осум светски изуми што потекнуваат од исламскиот свет!
Осум светски изуми што потекнуваат од исламскиот свет!

Осум светски изуми што потекнуваат од исламскиот свет!

448
0

Тероризам, насилство, немање слобода, необразованост… ова се првите неколку најчести стереотипи што денес можете да ги слушнете за исламскиот свет. Стереотипите најчесто се врзуваат и произлегуваат од непознавањето, особено кога на разликите се гледа од дистанца, без да се има каква било потреба да се спознаат основните карактеристики.

Класичен пример за тоа е западниот поглед кон исламскиот свет. Но, кога подобро ќе запознаете некои работи, тогаш ќе разберете денешниот свет функционира на работи кои потекнуваат токму од тие земји.

Погледнете за кои изуми станува збор:

1.    ЧЕТКА ЗА ЗАБИ

Исламот е првата религија која го негувала култот на лична хигиена, а во Коранот дури и се запишани начини на ритуални миења. Четката за заби настанала во Египет, а пророкот Мухамед ја користел секојдневно.

2.    ДЕКАДНИОТ СИСТЕМ НА АРАПСКИ БРОЈКИ

Декадниот систем на арапските бројки, каде сите бројки можат да се претстават со цифри од 0 до 9, настанал во „Куќата на знаењето“ во Багдад, во 9 век.

3.    ГИТАРА

Претходничката на денешната гитара настанала во арапскиот Оуд во 9 век, а во Европа стигнала преку јужна Шпанија, која со векови била владеена од муслиманите.

4.    ОЧИЛА

Освен математиката, Арапите ја револуционизирале и оптиката. Првиот стаклен предмет што се користел како лупа при читање, е изум на Алхазен (Абу ал-Хасан), од ирачкиот град Басра, во 11 век. Подоцна, токму од неговиот изум се развиле очилата.

5.    КАФЕ

Најпознатиот производ кој го извезува муслиманскиот свет секако е кафето. Потекнува од Етиопија, но набрзо преку Црвеното Море, стигнало на Арапскиот Полуостров, а оттаму и во Европа (Лондон) во 17 век.

6.    ХИРУРГИЈА

За татко на хирургијата се смета лекарот Албукасис (Абу ал-Касим) кој бил роден во Андалузија, во 10 век. Неговите идеи се сметаат за основа на модерната хирургија.

7.    ЛИМЕНИ ДУВАЧКИ ИНСТРУМЕНТИ

Почетоците на воената лимена музика се поврзуваат со османлиските „мехертани“, музички групи кои свиреле за време на воените судири, и не престанувале до завршување на битката.

8.    БОЛНИЦИ

Првата модерна болница со лекари и медицински сестри била отворена во 872 година во Каиро – Болницата Ахмед Ибн Тулун.

НАПИШИ КОМЕНТАР

Your email address will not be published. Required fields are marked *