МПЦ-ОА ќе го прогласи Јоаким Крчовски за Светител
Македонската православна црква ќе го канонизира игуменот Јоаким Крчовски. Одлуката веќе е донесена, а прогласувањето за светител ќе биде на 21 и на 22 мај оваа година во Манастирот Свеи Јоаким Осоговски кај Крива Паланка.
Прогласувањето на Јоаким Крчовски и неговото вбројување во диптихот на светители е по предлог на Кумановско-осоговската Митрополија.
Светителот ќе биде каконинизран како Свети праведен Јоаким Крчовски, учител и просветител.
Пред самиот чин на канонзација претходи работа на специјално составена црковна комисија, која има за цел, составување на служба за светителот; одредување на датум кога се слави; внесување во црковниот календар; цртање на икона; собирање на материјали, сведоштва за светиот живот на истиот, односно пишување на житие; сведоштва за извршени чуда, односно, сведоштва на услишани молитви од страна на светиот; нетлени мошти.
Јоаким Крчовски живеел од 1750 до 1820 година и се смета за еден од првите македонски просветители како свештеник и учител. Нема точна потврда каде е роден, но според одредени историски записи потекнува од Кичевски, Осломеј. Починал во 1820 година, три години по неговото замонашување.
