Киро Стојанов служеше за денот на болните во Струмица
Свештениците од Апостолскиот егзархат и Скопската бискупија, заедно со поглаварот, Киро Стојанов, во неделата на 7 февруари 2016 година во Катедралната црква „Успение на Пресвета Богородица“ во Струмица служеле света архиерејска Литургија за светскиот ден на болните.
На Литургијата присуствувал и директорката на Општа Болница Струмица д-р Анкица Ангова.
Во својата проповед, како што пичува порталот „католици.мк“, епископот Стојанов зборувал за смислата на страданието и за зборовите на Мајка Тереза.
-Да запаметиме дека во страданието не е најважна болката. Во страданието најважна е љубовта. За кого страдаме, за кого прикажуваме и на кого се прикажува нашето страдание да биде откупено за другите. Така всушност, страдалникот е Божја сила и срце на Црквата која со страданието го врши своето послание на спасението, рекол Стојанов, кој се заблагодарил за грижата, негата и љубовта кон болните лица, посебно на здравствените и социјалните работници, како и оние кои во своите домови имаат болни.
Светата Литургија била збогатена со пеењето на Катедралниот хор под водство на сестра Тереза Стојкова.