Игуменот Гаврил ги организирал верниците на македонската Православна Општина за Мелбурн и Викторија во доброволна работна акција за уредување на во паркот “Македонија”, во Кинг Лeјк.
Со работната акција во неделата бил украсен дворот на манастирот “Св. Климент Охридски”, пишува „Фаланга“
-Секоја чест за Македонците кои во голем број дојдоа за поканата за оваа работна акција и помогнаа во разубавувањето на дворот на македонскиот православен манастир “Св. Климент Охридски” во Кинг Лeјк, велат организаторите.
– Ова е почеток на црковно и национално обединување на Македонците во Мелбурн и Австралија, потенцирал Претседателот на Македонската Православна општина за Мелбурн и Викторија, Мирчо Ангеловски.
Во работната акција се вклучил и познатиот хуморист Васко Тодоров (Тошо малерот) кој од неодамна живее во Мелбурн
ФОТО: ФАЛАНГА
Дедо Петар богослужи, отец Гаврил сади цвеќиња!
Еве уште еден доказ дека отецот Гаврил и неговите духовни чеда апсолутно ништо не научиле за светата вера наша Христијанско-Православна и уште повеќе дека ништо не применуваат.
Во недела рано на утро не бидува да се работи. Тоа го забранува и 4. Мојсеева заповед, тоа го забрануваат и црковните закони и канони. Во недела на утро мироносиците жени отрчаа кон Христовиот гроб и Го најдоа Христа Воскреснатиот. Не отрчаа да работат и да копаат. Во недела – малото Воскресение, на Христијанинот, па макар бил схизматиководач му прилега да присуствува на светата Божествена литургија (која започнува претходниот ден со вечерната богослужба, а потоа продолжува утрото со воскресната утринска богослужба), а не да обработува приватни имоти, па макар во тие имоти имало и осветени приватни параклиси.
Дедото Петар, против кого работи игуменот Гаврил со своите тн. духовни чеда и сите австралиски схизматици – компанисти служеше света литургија. Епа по делата ќе не` препознаат… Дали сме Христови и се собираме на светата литургија или пак сме земни и се собираме со мотиките и садиме цвеќиња, дрвца и слично. Ама нашите стари рекле, кој во недела и празник работи, залудо работи и од сработеното никаков аир нема да види…