Во неделата, на празникот Победа на Православието, во храмот „Свети Николај“ во Техеран беше отслужена Божествена литургија, и покрај тоа што во близина одекнувале експлозии, на вториот ден од американските и израелските напади врз Иран.
Според Одделот за надворешни црковни врски на Руската православна црква, мал број, но посветени верници се собрале на богослужбата, непоколебани од звуците на детонации што се слушале за време на службата. Литургијата ја предводел игумен Варлаам (Дулски), клирик на катедралата.
„И покрај звукот на експлозиите во близина, богослужбата продолжи и заврши со празнична проповед на игумен Варлаам“, соопшти Одделот.
Храмот „Свети Николај“ неодамна одбележа 80 години од своето основање. Во првата половина на 1940-тите години, со донации од руски емигранти, бил изграден храм на северната периферија на Техеран. Катедралата официјално била осветена на 8 март 1945 година, под јурисдикција на задграничната Руска православна црква.
Иконостасот бил зачуван и пренесен од претходно затворената амбасадорска црква „Свети Александар Невски“. Покрај храмот била изградена и двокатна зграда за потребите на парохиската канцеларија и резиденцијата на свештеникот.
Во текот на 1980-тите години катедралата постепено запустела, а во 1995 година, по барање на парохијаните, била примена под јурисдикција на Московската патријаршија.
