Турскиот претседател Реџеп Таип Ердоган денеска, за време на посетата на Вашингтон, изјави дека исламофобијата е во пораст во САД, како и дека муслиманите се „на мета“ на американските претседателски кандидати за време на предизборната кампања.
Ердоган, во говорот на отворањето џамија и верски комплекс во близина на Вашингтон чија изградба ја финансираше Турција, изјави дека неодамнешните терористички напади во Брисел и Париз бледеат во однос на она што проживеа Турција, како и во однос на терористичкиот напад во пакистанскиот град Лахоре.
