Митрополитот рашко-призренски Теодосије, заедно со игуменот на манастирот Високи Дечани, архимандритот Сава, ги прими високите воени претставници во манастирот Грачаница.
За време на средбата, Теодосије ја истакнал загриженоста на Српската православна црква за безбедноста и иднината на српското население на Косово и Метохија, посочувајќи ја потребата од почитување на владеењето на правото, слободата на движење, верските слободи и заштитата на црковниот имот.
Посебно го нагласил значењето на присуството на КФОР и непристрасното спроведување на неговиот мандат за зачувување на мирот и безбедноста на сите заедници.
Епархијата рашко-призренска во соопштението посебно ја истакнува заштитата на манастирот Високи Дечани, кој и натаму е под обезбедување на припадниците на КФОР.
„Зачувувањето на оваа заштита, како и редовната комуникација со Епархијата и манастирското братство, се од исклучително значење за сигурноста на светилиштето и довербата на верниот народ“, се наведува во соопштението.
