Анархисти го нападнале седиштето на Грчката православна црква во Атина, објавија грчките медиуми. Во нападот нема повредени, но е предизвикана материјална штета.
Анархистите фрлиле десетина молотови коктели и запалиле два автомобила во близина на манастирот Петраки, во дворот на Архиепископијата.
Синодот на Грчката црква остро го осуди нападот, потенцирајќи дека терористичките дејствија не му носат полза никому.
-Го молиме Бог да им прости на извршителите, стои во соопштението.
