Дебарско-кичевскиот митрополит Тимотеј имал средба во Охрод со владика на Украинската православна црква – Московска патријаршија. Средбата била во саботата на 13 април. Во официјалното соопштение на Дебарско-кичевската митрополија нема детали за разговорите, ниту пак за поводот за посета на Македонија на Митрополитиот на Лавов и Галиција, Филарет од УПЦ-МП.
-На 13.04.2024 година, во Митрополитската резиденција во Охрид, Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, оствари средба со Неговото Високопреосвештенство Митрополитот на Лвов и Галиција Филарет од Украинската православна црква. Разговорот помина во пријатна и пријателска атмосфера, а беа разменети повеќе мислења и информации за животот во Македонија и Украина, и за состојбата со православната црква во Украина, стои во соопштението на Дебарско-кичевската епархија.
