САС на МПЦ-ОА: Одлуката на БПЦ дава надеж за конечно решение

Светиот архиерејски синод на Македонската православна црква – Охридска архиепископија го поздрави решението на БПЦ-БП со кое таа прифати да биде промотор на автокефалниоит статус на МПЦ пред православјниот свет.

Македонските владици сметаат дека оваа одлука дава надеж за конечно решавање на статусот на МПЦ-ОА.

-Донесеното решение на САС на БПЦ дава надеж за конечно решавање на статусот на легитимната автокефалност на Македонската православна црква во семејството на Помесните православни цркви. Очекуваме, и во иднина, Бугарската православна црква на МПЦ-ОА да и биде постојан сотрудник во остварувањето на потребната богоугодна цел, се вели во соопштението од МПЦ-ОА.

Од МПЦ-ОА посочуваат дека двете цркви имаат одговорност пред своите едноверни, благочестиви и православни народи кои споделуваат мноштво заеднички христијански вредности низ вековниот опстој.

Светиот синод на Бугарската православна црква на денешната седница одлучи да се ангажира и застапува пред  помесните православни цркви за востановување на канонскиот статус на Македонската православна црква.

Поврзани написи:

МПЦ формира солидарен фонд, црковната кујна во Ѓорче ќе готви и за настраданите во поплавите НБРМ издаде монета во чест на канонизацијата на Мајка Тереза Заврши распитот на Владиката Петар во полицијата во Мелбурн, го обвинува Владиката Наум дека го мести Повардарската епархија се вклучи во подготовка на храна за настраданите во поплавите