„Патриотически парадокси“ – Владиката Петар ќе биде домаќин на БПЦ за која МПЦ-ОА е Северномакедонска црква

Преспанско-пелагониската епархија најавува голем настан на сослужение в недела во црквата Свето Благовештение во Прилеп. Според фејсбук информацијата од оваа црква во овој храм на 5 ноември ќе служи Владиката Петар, а на светата архиерејска литургија ќе му сослужуваат владици од соседните сестрински цркви.

-Браќа и сестри, со радост ве известуваме, дека во недела на 5ти Ноември, во нашиот храм ќе се одржи СВЕТА АРХИЕРЕЈСКА ЛИТУРГИЈА, со која ќе чиноначалствува Неговото Високопреосвештенство, нашиот Митрополит г. Петар, во сослужение на други архиереи (владици) од соседните сестрински помесни цркви и бројно свештенство. Да се помолиме заедно и да ги примиме Христовите дарови, стои во објавата.

Сестрински соседни правоиславни цркви на МПЦ-ОА се Грчката, Албанската, Бугарската и Српската. Информациите на Религија.мк велат дека засега две цркви ќе имаат свои владици, српската и бугарската.

Бугарската црква одлучи да го признае Томосот на СПЦ за автокефалност на МПЦ-ОА, доделувајќи и ново име и на црквата и во титулата на Архиепископот Стефан. БПЦ одлучи МПЦ-ОА да именува како „Православна црква на/во Северна Македонија, а Архиепископот да го титулира како „Архиепископ Северномакедонски’, што е едно од најнавредливите термини за Македонија.

Од друга страна пак, Владиката Петар, како познат патриот е еден од перјаниците на антибугарската реторика во Македонија. Постојано вио јавните настапи зборува за негаторската политика на Бугарија кон Македонија, организираше и учествуваше на протести против бугарскиот клуб во Битола, а и отворено ја застапува тезата за невпишување на Бугарите во Уставот.

Парадоксално, но сепак в недела тој ќе сосолужува во Прилеп со владика на БПЦ демонстрирајќи така јавно дека не е навреден и нема ништо против срамната одлука на БПЦ да ја нарекува МПЦ-ОА Северномакедонска црква со Северномакедонски архиепископ. Останува уште заедно со владиката на БПЦ, по литургијата да отслужат панихида за паднатите бугарски војници, бидејќи в сабота МПЦ-ОА одбележува Задушница.

Кој, и дали од останатите соседни цркви ќе дојде на сослужение ќе почекаме до недела.q`

Поврзани написи:

Владиката Петар го расчини Игуменот Гаврил Албанија бара уште докази за да ги врати украдените икони од Македонија Агатангел: Со свеќи в раце на своите балкони заедно да ја запееме Христос воскресна од мртвите Архиепископот г.г. Стефан испрати писмо на сострадалност и поткрепа до вселенскиот патријарх Вартоломеј