Бронзена статуа на Исус Христос во природна големина, претставен како бездомник, легнат на клупа и покриен со блага прекривката од која се гледаат само нозете со лузни од распнувањето, била поставена во Ватикан, пред влезот на службата за милостиња.
Хипер реалистичното дело е на канадскиот скулптор Тимоти П. Шмалц кој појаснува дека идејата за правење на статуата му дошла кога за Божиќ видел бездомник како спие на клупа.
-Кога ги гледаме овие отфрлени луѓе, ние треба да го гледаме Исус Христос “, вели авторот.
Првиот примерок од статуата бил поставен во 2013 година во Торонто, потоа други нејзини копии беа испратени во различни делови на светот, Австралија, Куба, Индија, Ирска, Шпанија и САД.
Слична ваква статуа на авторот Шмалц , како Исус проси милостина, веќе се наоѓа во Рим, на главниот влез на болницата “Санто Спирито”.
