Почесниот „патријарх“ и поранешен митрополит на Киев, Филарет, е хоспитализиран во медицинска установа во Киев поради влошување на здравствената состојба предизвикано од активирање на хронични заболувања.
За неговата хоспитализација информираше Киевската митрополија на Православната црква на Украина, која ги повика верниците да се молат за неговото здравје.
Филарет (световно име Михаил Денисенко) е долги години беше еден од највлијателните епископи во Московската патријаршија, а во 1990 година стана митрополит на Киев. По распадот на Советскиот Сојуз се залагаше за независност на Украинската црква од Москва. Во 1992 година беше разрешен од Московската патријаршија и подоцна анатемисан, по што застана на чело на Киевската патријаршија.
Во 2018 година учествуваше во процесот на создавање на автокефалната Православна црква на Украина, но подоцна се дистанцираше од процесот. Денес ја носи титулата почесен „патријарх“ на Киев.
