Патријарх Теодор II, Папа и Патријарх на Александрија и цела Африка, ја пречекал високата делегација од Библиското здружение на Грција (Hellenic Bible Society), предводена од директорот г. Михал Х. Хаџигијанис.
На средбата се разговарало за значајната работа на здружението, особено за преводот и распределбата на Светото Писмо на православните заедници низ светот. Патријархот изразил особена благодарност за проектот за превод на Евангелието на јазикот суахили, нагласувајќи ја вредноста на оваа иницијатива за јакнење на православните заедници во Источна Африка.
Во разговорот била договорена и иницијална форма за блиска соработка помеѓу Патријаршијата на Александриската црква и Библиското здружение на Грција за превод на свети текстови на дијалекти и локални јазици во Африка — што ќе придонесе за ширење на Евангелието и поддршка на мисијата на древниот Патријаршиски престол.
Средбата се одржала во атмосфера на братска соработка, а делегацијата ја изразила длабоката благодарност до Патријархот за неговото гостопримство и за непрекинатиот мисионерски, образовен и издавачки ангажман налокалната Црквата.
