Во храмот „Успението на Пресвета Богородица“ во Валину, Вселенскиот патријарх Вартоломеј присуствувал на музички настан посветен на темата „Обновување на акустиката на Света Софија“.
На настанот биле изведени византиски химни кои звучеле преку специјално обработено аудио, со цел финалниот звук да го доближи уникатниот акустички ефект на „Света Софија“. Истражувањето било спроведено од тимот на Центарот за компјутерски истражувања во музика и акустика при Универзитетот Стандфорд – САД.
Настанот го реализирал хор „Hagia Sophia PeopleCert“ составен од 33 псалти под водство на мајсторот архонт Григориј Дараваноглу, со поддршка од иницијативата на Бјорон Николаидис, основач и претседател на „PeopleCert“.
Во своето обраќање, патријархот Вартоломеј им оддал признание на сите кои придонеле за проектот, нагласувајќи дека музиката и акустиката на светиот храм продолжуваат да инспирираат и сведочат за богослужбената и историската димензија на православието.
Во свеченото собирање учествувале и архиереи на Вселенската патријаршија, архонти, генералниот конзул на Грција во Истанбул, Константинос Кутрас, како и други бројни гости.
