Кандидатот за градоначалник на Општина Битола, Тони Коњановски, оствари средба со претставниците на Здружението на пензионери од Битола, на која се разговараше за актуелните предизвици и потреби на оваа категорија граѓани, како и за мерките што ќе придонесат за подобар квалитет на нивниот живот.
Во пријатна и конструктивна атмосфера, Коњановски истакна дека пензионерите се генерација што дала многу за развојот на заедницата и затоа заслужуваат посебно внимание и грижа.
-Пензионерите се темелот на нашето општество. Нивниот труд и искуство се непроценливи, а нашата обврска е да им овозможиме достоинствен живот, активно учество во заедницата и пристап до социјални и културни содржини, рече Коњановски.
Тој додаде дека локалната самоуправа ќе продолжи со спроведување активности и проекти насочени кон создавање подобри услови за живот на постарите сограѓани, преку поддршка на здруженијата, унапредување на социјалните услуги и поттикнување на генерациска поврзаност во општеството.
