Викендов на реката Бабуна, крај Велес, Повардарската епархија ја организираше групната крштевка на која повеќе од 30 верници го примија православието. Најголем дел од нив беа повозрасни лица кои во минатото немале можност да се крстат.
Највозрасната беше 62 годишната велешанка Пандорка Најдова, која вели дека животот во социјализмот не дозволувал таа да ја прими православната вера. Неприпадноста кон православието, било пречка за таа и нејзиниот сопруг својата љубов да ја крунисаат и пред бога. Сега се подготвени и тоа да го направат.
Освен од Велес, во реката Бабуна се крштеваа и луѓе од Гостивар, Скопје, Куманово.
Според свештениците, крштението е најважниот чин во православието.
Деветта година по ред се реализира групно крштевање во реката Бабуна. До сега на овој начин повеќе од 300 верници влегоа во православието.
