Дебарско-кичевскиот митрополит Георгиј учествуваше на научниот собир што го организираше СПЦ и Богословскиот факултет во Белград, а беше посветен на 1700 години од првиот вселенски собор во Никеја.
Георгиј зборубвал на темата за Важноста на Vita Constantini на Евсевиј Кесариски како историски извор за Првиот вселенски собор
Соборот го отворил патријархот на СПЦ Порфириј, кој меѓу другото посочил дека ова е историски настан за црквата.
На свеченото отворање присуствувале и митрополитот црногорско-приморски Јоаникије, митрополитот врањски Пахомије, митрополитот браничевски Игњатије, митрополитот зворничко-тузлански Фотије, митрополитот рашко-призренски Теодосије, митрополитот крушевачки Давид, митрополитот тимочки Иларион, митрополитот нишки Арсеније, митрополитот будимљанско-никшиќки Методије, митрополитот дебарско-кичевски Георгиј од Македонската православна црква – Охридска архиепископија, како и епископите ваљевски Исихије, марчански Сава и моравички Тихон.