Владиците Иларион и Никола биле на гости кај Врањскиот митрополит Пахомије, во манастирот Св. Прохор Пчињски.
Повод за посетата, како што објави Брегалничката епархија била годишен помен за покој на душата на архимандритот Пајсиј Светогорец и Хиландарец, игумен на манастирот.
-На 25 јуни 2026 година, кога се празнува споменот на препеподобните Онуфриј Велики и Петар Атонски, Високопреосвештените митрополити Брегалнички г. Иларион и Австралиско-новозеландски г. Никола, го посетија манастирот „Св. Прохор Пчињски“, во Србија, каде што беа срдечно пречекани од надлежниот архијереј на Српската Православна Црква, Високопреосвештениот митрополитот Врањски г. Пахомиј и братството на манастирот. При посетата митрополитите Иларион и Никола извршија годишен помен за покој на душата на блаженоупокоениот архимандрит Пајсиј Светогорец и Хиландарец и игумен на манастирот „Св. Прохор Пчињски“, соопшти Брегалничката епархија.
