Портпаролката на Министерството за надворешни работи на Руската Федерација, Марија Захарова, го нарече „уште еден чин на самоволие“ преземањето на храмот „Свети Александар Невски“ во Одеса.
„Буквално вчера, на 24 јуни, приврзаниците на киевската хунта извршија насилно преземање на храмот посветен на преподобниот Александар Невски во Одеса. Повредени беа свештеници и парохијани на оваа црква. Ова е уште еден вознемирувачки чин на самоволие против канонската Украинска православна црква“, изјави таа на брифингот во четвртокот.
Захарова посочи дека Западот целосно молчи за случувањата.
„Во име на таканареченото ‘одвраќање на Русија’, Брисел е подготвен да замижи пред обновувањето на нацизмот и пред појавата на крајни форми на расизам, во кои несомнено спаѓа и русофобијата, како на својата територија, така и во земјите кандидати за членство во Европската Унија. Тие едноставно не го забележуваат сето тоа“, нагласи Захарова.
Според неа, во денешната слика за светот што ја промовира Европската Унија, ваквите појави не се сметаат за кршење на човековите права, туку за таканаречени „европски вредности“.
