Светите Солунски браќа Кирил и Методиј се клучни личности во македонската историја, како и за културниот развој на сите словенски народи. Нивната просветителска улога и света мисија ја зацрта културната и верската карта на целиот свет. Ние сме горди наследници и чувари на нивното завештание-продолжување на нивната света мисија-образованието и ширењето на писменоста, пишува во честитката на Kомисијата за односи меѓу верските заедници до поглаварот и членовите на Светиот Архиерејски Синод на Македонската Православна Црква – Охридска Архиепископија и до македонскиот народ за Денот на сесловенските просветители и учители Свети Кирил и Методиј.
Претседателката на Комисијата за односи меѓу верските заедници Валентина Божиновска, вели дека заложбите на светите браќа Кирил и Методиј, не биле само за македонскиот јазик, туку и за македонската литература и култура, црква и традиција, револуција и историја, за македонското име и идентитет.
-На прашањето што треба да направиме ние за јазикот, во време на слобода и демократија, во постојна држава, во време на големи предизвици, одговорот треба да биде едноставен – само да го чуваме, негуваме и почитуваме, бидејќи со тоа ја вреднуваме нашата култура и традиција, нашата историја и меморија, го воздигнуваме нашето име и идентитет, одавајќи им на тој начин достојна почит за животот и делото на светите браќа Кирил и Методиј. Нека е вечна славата на сесловенските просветители Кирил и Методиј и нека е за многу години големиот празник, стои во честитката од Комисијата за односи со верските заедници и религиозни групи.
И сега не ми е јасно, што сме ние и чии сме наследници, дали на Александар Македонски или пак сме Словени По ова колку ги славиме Св. браќа испаѓа да сме Словени, а пак кога ги гледам спомениците на античките Ммакедонци мислам дека сме нивни наследници. Ова ни господ не може да го реши.