Формално независната Католичка црква Исток во САД, на чело со Рамзи Мусалам, колективно го напуштила Католицизмот и преминала во Православие. Како што објавува порталот, „Правда.рс“ оваа американска католичка црква се приклучила на Задграничната Руска православна црква, која е дел од Руската православна црква.
Оваа црква има 60 парохии, а нејзиниот до неодамна поглавар,во РПЦ прво бил ракоположен за ѓакон, а веднаш потоа и за свештеник. Во јеромонах, со име Илија, пак го ракоположил лично првиот човек на ЗРПЦ, митрополитот Иларион.
Рамзи прво бил дел од Полската католичка црква.
Руската задгранична црква веќе објави дека е благодарна што отец Илија и неговата Црква ги довеле верниците во Православието.
Сепак, веродостојноста на оваа информација тешко може да се потврди. Пребарувањето на интернет покажува само една вест објавена на некој локален американски медиум.