Лавров: Руската православна црква е моќен инструмент на нашата надворешна политика, ги координираме ставовите со патријархот Кирил

Date:

Share post:

Руската православна црква претставува моќен инструмент на руската надворешна политика, а Министерството за надворешни работи редовно ги координира своите активности со патријархот московски и на сета Русија Кирил. Ова го изјави рускиот министер за надворешни работи Сергеј Лавров во интервју за руската православна телевизија „Спас“, емитувано на 19 ноември, во пресрет на 80-тиот роденден на патријархот Кирил.

Лавров откри дека со поглаварот на Руската православна црква има редовни приватни средби на кои разговараат за меѓународните активности и ги усогласуваат пристапите на Црквата и руската дипломатија.

„Кога комуницирам со Неговата Светост, често одржуваме средби насамо за да ги координираме нашите пристапи кон работата во странство и да разговараме за животот во најширока смисла на зборот“, изјави Лавров.

Рускиот министер го опиша патријархот Кирил како мудар и искусен соговорник, кој умее да ги препознае суштинските аспекти на настаните и да ја разбере нивната поширока политичка и општествена димензија.

Особено внимание во интервјуто привлече неговата оценка за улогата на Руската православна црква во надворешната политика на Москва.

„Денес, ова станува многу моќен инструмент на нашата надворешна политика“, рече Лавров, говорејќи за промовирањето на традиционалните вредности и зајакнувањето на националното единство преку меѓурелигиска соработка.

Според него, вредностите што ги застапува Руската православна црква, а за кои тврди дека се споделени и од другите големи светски религии, добиваат сè поголемо значење во руската дипломатија.

Лавров во интервјуто ја критикуваше и западната културна и општествена средина, оценувајќи дека западните општества се оддалечуваат од своите религиски и културни корени. Притоа употреби и израз „сатански вредности“, за кои тврдеше дека се шират во западното општество, културата, уметноста и литературата.

Тој оцени дека поради таквите процеси, Русија за дел од граѓаните на западните земји станува привлечна дестинација, особено за оние кои сакаат да ги зачуваат своите традиционални верувања и начин на живот. Лавров ја претстави Русија како своевидно засолниште за луѓето кои сакаат да останат верни на своите културни и духовни корени.

Изјавите на Лавров повторно ја отвораат темата за поврзаноста меѓу Московската патријаршија и руската државна дипломатија. Во овој случај, самиот шеф на руската дипломатија јавно потврдува дека со патријархот Кирил одржува средби на кои се усогласуваат пристапите за делувањето во странство, а улогата на Црквата ја дефинира како важен инструмент на надворешната политика на Русија.

LEAVE A REPLY

Please enter your comment!
Please enter your name here

spot_img