Московскиот патријарх Кирил му ја честиташе 25-годишнината од архиерејската хиротонија на архиепископот Езрас, поглавар на Руската и Ново-Нахичеванската епархија на Ерменската апостолска црква.
Во честитката, патријархот Кирил потсетува дека патот на Езрас кон свештенството започнал уште во младоста, а неговото образование било поврзано и со Русија.
-Во младите години, избирајќи го патот на свештенството, се образувавте во духовната семинарија Геворгијан и во духовната академија во градот на Нева. Оттогаш Вашето служење е нераскинливо поврзано со нашата земја, каде што бевте пастир на ерменската заедница во Санкт Петербург, а потоа и поглавар на Руската и Ново-Нахичеванската епархија на Ерменската апостолска црква, наведува патријархот Кирил.
Архиепископот Езрас е поглавар на Руската и Ново-Нахичеванската епархија на Ерменската апостолска црква, која ја опфаќа ерменската црковна заедница во Русија.
