Митрополијата на Флорина, Преспа и Еордеја соопшти дека митрополитот Иринеј привремено ќе биде отсутен од своите архипастирски должности поради респираторна инфекција.
Според официјалното соопштение, митрополитот ќе остане надвор од своите обврски сè до целосното закрепнување.
Во пораката до верниците, епархијата упатува молитвени желби Пресвета Богородица да ги благослови сите православни христијани, потсетувајќи дека во овие денови низ храмовите се служат Богородичните параклиси во пресрет на празникот Успение на Пресвета Богородица и изразува надеж дека верниците ќе бидат удостоени големиот празник да го дочекаат и прослават во добро здравје.
Од Митрополијата не соопштуваат дополнителни информации за здравствената состојба на митрополитот, освен дека се очекува тој да се врати на своите должности по целосното оздравување.
