Нуркачи од Охрид, заедно со иницијативниот одбор за прослава на Водици, утрово го исчистија Охридското езеро во делот кај пристаништето, со цел непречено одвивање на утрешниот настан.
Од водите на езерото беа извадени голем број предмети.
Ова е дел од практиката за традиционално чистење на дното на Охридското Езеро кај градското пристаниште, каде ќе се положи светиот крст за празникот Богојавление – Водици.
Чистењето го набљудуваше надлежниот владика Георгиј.
