Романскиот православен архиереј на Велика Британија и Северна Ирска ја посетил казнено-поправната установа HMP Bullingdon во Бистер, Англија, каде што служел Божикна литургија и им донел порака на надеж на затворениците пред празникот Рождество Христово.
Посетата била предводена од архиепископ Атанасиј, заедно со архимандрит Гавриил Марин, кој е свештеник во Оксфорд и затворски капелан. За време на литургијата затворениците се причестиле и се помолиле заедно со духовниците.
Во беседата архиерејот го истакнал значењето на Христовото Рождество во контекст на животот зад решетки, нагласувајќи дека христијанската порака на прошка и надеж е достапна за сите, без оглед на околностите во кои се наоѓаат.
Романската православна архиепископија за Велика Британија и Северна Ирска има активна пастирска мисија во затворите во Обединетото Кралство, со 17 акредитирани капелани кои служат во повеќе институции и им обезбедуваат духовна грижа и поддршка на лицата лишени од слобода.