Пензионираниот Папа Бенедикт XVI наздрави со баварско пиво за својот 90-ти роденден, што го прослави за овој Велигден во дворот на Ватикан.
Италијанските медиуми ја пренесуваат атмосферата во роденденската забава на Рајцингер, кој како Германец по потекло и тоа од Баварија, не можела да помине без традиционално баварско пиво.
На роденденската забава дошла специјална делегација од Баварија која му донела и Пиво со кое заеднички наздравиле.
-Ви благодариме што ми овозможивте да се вратам во мојата прекрасна земја, изјавил Бенедикт Шеснаесетти.
Меѓу гостите на Папата бил и премиерот на Баварија, Хорст Шихофер и десетина други луѓе кои играле во градината на Ватикан, приредувајќи автентична атмосферата од родната земја на папата. Имало се што е баварска традиција, облека, музика, знамиња и секако баварско пиво.