Реномираниот интернет-медиум Orthodox Times објави текст посветен на враќањето на Архиепископот Охридски Стефан во јавноста, по неколкунеделното отсуство од јавните богослужби и активности поради здравствени причини.
Во текстот, Orthodox Times ја пренесува информацијата на Религија.мк, дека Архиепископот Стефан на 21 септември молитвено присуствувал на Светата Литургија во храмот „Рождество на Пресвета Богородица“, по повод празникот Рождество на Пресвета Богородица. Богослужбата била отслужена со негов благослов.
Медиумот наведува дека неговото појавување во јавноста следува по период во кој Архиепископот Стефан отсуствувал од повеќе јавни богослужби и однапред планирани активности.
Orthodox Times потсетува и на соопштението од 25 август на Канцеларијата на Светиот архиерејски синод, во кое беше објавено дека Архиепископот Стефан нема да ја реализира планираната посета на Американско-канадската епархија „поради здравствени причини и по препорака на неговите лекари“.
Orthodox Times во текстот потсетува и дека Архиепископот Стефан не присуствувал на Светата Литургија по повод празникот Преображение Христово на 19 август.
Во известувањето, православниот медиум го именува Стефан со титулата „Архиепископ Охридски“.
