Халкидонскиот митрополит Емануел остварил официјална пастирска посета на Литванија, каде се сретнал со локални верски лидери, институции и верници, со цел да ги зајакне односите меѓу Православната црква и православните заедници во земјата.
За време на неговата посета, тој се сретнал со министерката за правда на Република Литванија, со министерот за надворешни работи, заменик-министерот за финансии, со апостолскиот нунциј, надбискупот Георг Генсвајн и со претседателот на Литванската бискуписка конференција, надбискупот митрополит на Вилнус, Гинтарас Грушас.
За време на средбите, митрополитот беше придружуван од отец Виталијус Мокус, вршител на должноста егзарх на Литванија. На средбите со претставниците на литванската држава, митрополитот Емануел ја изразилблагодарност за вниманието и поддршката што ја покажале литванските институции во обновувањето на Православната црква под јурисдикција на Вселенската патријаршија во Литванија. Биле разгледани и прашања што се однесуваат на животот на Литванската егзархија, верската слобода и активностите на заедницата.
По средбите со претставниците на државата и Црквата, митрополитот Емануел се сретнал со свештенството на Литванската егзархија. За време на оваа средба биле разгледани актуелни прашања што влијаат на животот на православните христијани во Литванија, а благословот на Вселенскиот патријарх бил пренесен до Егзархијата на Литванија и до верниците.
