Голем Крчин и годинава ги чека монасите и верниците за утринска литургија

Бигорската и Рајчичката Обител и оваа година го организраат најатрактивното искачување на врвот Голем Крчин, каде секога година се служи утринска литургија. Традицијата што ја почнаа монасите и монахињите станува еден од најомилените настани, кој од година во година привлекува сѐ поголем број љубители на планините.

-Исто како и минатата година, наша цел е на врвот на Голем Крчин рано наутро да отслужиме Света Литургија и да се обидеме да ги видиме висините низ една друга перспектива. Оваа година повторно, заради обезбедување на групата, ќе биде присутна и Единица за спасување на планини и непристапни терени при Црвениот крст од Охрид. Меѓу другото, сите планинарски и алпинистички клубови кои ќе земат учество, доколку сакаат, можат да го помогнат настанот со тоа што ќе пријават и лиценцирани планинарски водичи, со официјално призната лиценца од МАИВП или ФПСМ. Координатор меѓу сите водичи ќе биде лице од манастирот. Патеката е со средна тежина и трае околу 4 часа. Попатни кратки одмори на места каде што има извори со вода, од кои последниот е на средината од патеката, односно кај првата црква. Пријавувањето за учество е задолжително, велат од Бигорски.

Време на собирање/поаѓање е 18 август 2019 (недела), 02:30 – 03:00 часот. Пристигнување на врвот во утринските часови. Место на собирање е пред поранешната караула во село Битуше, односно од пред скитот во изградба, посветен на Свв. Кирил и Методиј. Враќањето е организирано поаѓање од врвот Голем Крчин веднаш после завршувањето на богослужбата.

-Ги замолуваме сите учесници да присуствуваат на заедничкиот манастирски ручек во Бигорскиот манастир, кој ќе биде послужен околу 13 ч. Секој учесник е должен да ги почитува правилата и насоките на организаторот и водичите, во спротивно сам е одговорен за несаканите последици. Наведениот настан е организиран и движењето се одвива во група предводена од организаторот и водичите. Организаторот и водичите имаат право да исклучат член пред почетокот на настанот, доколку не ги исполнува наведените услови и не ја поседува соодветната опрема за предвиденото патување. Секој учесник може да биде исклучен од групата поради недолично однесување. Организаторот и водичите го задржуваат правото на измени на термините и редоследот на настанот во зависност од временските услови и останатите технички препреки, велат од Бигорски.

Поврзани написи:

Српскиот патријарх: Македонија само во заедница со Србија може да ги реши своите проблеми Бугарската црква не се плаши од СПЦ, верува во исправноста на одлуката да биде Мајка црква на МПЦ Архиепископот Стефан: Би благодарам ова е израз на голема љубов Папата Франциск доаѓа со порака: Најубавите мозаици се тие со многу бои