Претседателот на државата, претседателот на Собранието и Премиерот беа гости на традиционалниот божиќен ручек кај Архиепископот Стефан, кој воедно го слави и својот именден.
Од Кабинетот на Премиерот Димитар Ковачевски велат дека на традиционалниот божиќен ручек, претставниците на владино- државниот врв споделиле пораки со архиепископот Охридски и Македонски, г.г. Стефан и членовите на Светиот архиерејски синод на МПЦ-ОА за сплотеност и единство во име на просперитет и посветла иднина.
Претседателот на Собранието, Талат Џафери, му посакал на Архиепископот добро здравје и благосостојба, успех, мудрост и верба во исполнувањето на високата духовна мисија давајќи го својот придонес во градењето сигурна иднина за младите генерации, како и за напредокот.
