Богојески му одговори на Пахомије

Лидерот на Македонски Концепт, Петар Богојески, по потекло крушевчанец, во изјава за Религија.мк, му одговори на Врањскиот епископ Пахомије за неговиот опис на Крушево, во кој се обидува дам му даде српски историски контекст.

Во продолжение целосната реакција на Богојески.

Изразувам длабоко жалење поради непознавањето на историјата на славното Крушево и крушевско од страна на господин Томислав Гачиќ (во Србија познат како владика Пахомије). Особено што ја злоупотребил гостопримливоста на моите кротки крушевчани, кога беше во посета како претставник на СПЦ, па наместо со благослов им враќа со клевети.

Господинот Гачиќ треба да знае три клучни работи:

1. Во Крушево никогаш немало легално српско школо! Имало обиди за дејствување на српската шовинистичка пропаганда во втората половина на 19ти и почетокот на 20ти век. Сите тие обиди за создавање на српска општина и школо во Крушево завршиле безуспешно и покрај потрошени мин по 5 наполеони по семејство, кое ќе се изјасни за српско. Наместо тоа, српската школа никогаш не проработела, а поради вулгарниот однос на посрбените пропагандисти, куќата во која имало обид да се отвори српска школа била опожарена од моите храбри сограѓани;
2. Крушево е едно од најпознатите историски места каде месното население се презивало на -СКИ уште во почетокот на 19ти век, а немало ниту еден на -ИЌ;
3. 3. Крушево во 1912 година не беше ослободено, туку беше окупирано од српската окупатроска војска, која започнала со масовно насилство врз граѓаните. Стотици биле убиени, силовани, прогонети од семејните огништа. Крушево е ослободено од месното население, меѓу кои и моите предци, уште во 1903 година, без помош на српските четници.

Ние крушевчани сме горди на Илинденската епопеја, за која го советувам Гачиќ да се воздржи од било какви коментари. Со оглед на тешкото минато, сметам дека непотребно се отвараат овие теми.

Доколку Гачиќ му посакува добар почеток на Вранишковски, ќе се воздржи од вакви провокации. Во спротивно, ќе му направи против услуга, што верувам и дека му била намерата. За жал, секако, после дадениот збор за помирување, кој ние Македонците го почитуваме. Ние сме луѓе од збор!

Жалам што господин Гачиќ не покажува таква доблест!

/Петар Богојески, лидер на МК концепт

Поврзани написи:

Бугарски Епископ молитвено учествувал на литургија предводена од Архиепископот Стефан Се враќа монашкиот живот во манастирот Богородица-Пречиста кај Кичево ЕКСКЛУЗИВНО: Чудото во црквата во Трубарево се повтори за Нова Година Српскиот патријарх ќе служи во Осоговскиот манастир, што владиката Григориј ќе му раскаже за скеврнавењето на фреските